Traditional Poetry

آتخيلك

آتخيلك... يا من آنا آشتاق لك

وآتخيلك... وآهوى نجوم بدنيتك

وآتآملك... يا جنة هوى آتآملك

..وآزرع آماني فرحتك

يا من ولد كل الهوى في دنيتي...

هو لذتي..

هو نشوتي..

 في خلوتي..

آلقى به زماني

ويحلو به مكاني

وآفرش له حناني 

وآغمره بالحيل...

....

وآتذكرك ... وآفتح دفاتر جنتك...

ثم آني آناجي صورتك

وليلة غرام بقربتك...

وليل الندامى يسامرك

ورجفة لقا..

وقت الصفا...

عند الغروب..

اتآملك..

وبشوفتك...

آنسى آنا همي

وجرحي والأسي

وآحضنك آنا

وانسى الالم والويل

وآفترش هالارض جنة

والسماء فوقنا و نجمه

وآحضنك...

واذوب انا وياك في عالم جميل

ونرتل مواويل

واقولها احبك

وافتدي انا ثغرك

واذوب انا بك

يا هوى البال

بالحيل بالحيل

ألا يا صاح

 الطرف الاول

ألا ياصاح ...بشكي لك عذابي

مفارق مهجتة .....يا كبر بلوه

من غاب غاب الفرح والهنا بي

والدمع  من عيني.. سال شقوه

الطرف الثاني

الله... يالله عانك في هالزماني

فرقا الوليف يطعن الفين قسوه

عاده  الرب  لك ..وتفرح بفالي

وتنسى الاسى والهم وتهيم منوه

 الطرف الاول 

لا لا ما اظن العمر.. يتهيالي

اظن ان الهجر ..وثق بيا قوه

وانوح انا فرقا ..وابكي لحالي

ليل الوصل محلاه يطيب غفوه

 الطرف الثاني

خل الامل يا صاح يرسم هلالي

ويرسم في الحشا ..قلبين فدوه

متعانقه للأبد .....تحرم فراقي

وتسعد بوصله ويكون صحوه

ازعل

ازعل .....
يوم انه وجودي ما يغير مزاجك
ما يزرع الفرحه بخفوقك
ذاك لاول كنت انا شمعة زمانك
تضوي ايامك بمراسيل شوقي
ذاك لاول كانت الرجفه بكفوفك
تنتظر مني وصال
ولا وصلتك
ضمنا عناااااااااااق طويييييييييييييييل
ما تفارق صدري الدافي حرام

ذاك لاول
الله الله بحبي لا تبيعه زهيد
انا لاجلك بعت ربعي
بعت صحبي
حتى الاهل صرت انت  هلي وانت داري وانت خل ما يغيب
ما عادت المقله تشوف غير طيفك
يناجيني
انتظر وصله من عام لعام
لا لا  تبيعه ذا الهوى
بخفة مزاج
اناااااااا رهييييييييييييييف قلبي
ما يحتمل لحظة عذاب
عهدتك بالمحبة تسقي فؤادي لذة شمول عتقته ليالي فراق طويل
تسقيني الرشفة
وانسى بها هموم عام
لا لا حبيبي لا تبرد اللهفة
لا لا تكفن هوانا وهو في مهده صغير

الحلا بك

الحلا بك ربي قد كمله

بك رقة الإحساس لذة عاشقين

يرتجف لك قلب.. كله وله

ومن الغرام إسكبها كؤوس الحنين

يا ما حلا نطقه والبسمله

نشوة الإحساس عند المغرمين

أرتجي وصله بين الملا

واحد(ن) هوغير العالمين

يا عزوتي إنت والرجا له

ماخذ(ن) كلي وسارق بي سنين

بك تنتشي روح الوله

وبك تسكر عيون السنين

الليل وحشه

ايه احبه

 معاني المفردات

وليفه: حبيبه

لهايب: حرقة الاشواق

ساهي: سارح

حسايف: الحسرات

مليله: كثر الملل

عايف: كاره

سبايب: أسباب

دليله: الفرج

الحسايب : الاهل والعشيره

باعه هوايا

شفتك

      شفتك   وتبدل  حالي  بحال          ما أدري  ولع  وإلا  تبريح

        ياصاحبي  عن حالتي  سال          همي    شقا  به  والتجريح  

      ما طول وصله وليتني  طال          لبوس  خده  وأمسي  مريح

      زلزال حل  بي  فوق زلزال          من شفت حسنه  قلبي طريح

     عود    على   هالقلب  ميال          ذكرى  الأماسي   والتفاريح

     في  خلوة  من  دون  عذال            وكأس الغرام اللي  لنا  يبيح

      فالك  عسنك  دوم  لي  فال          حبك يلي هو دوم لي صريح

        مفنود  لي عن كل من  قال          إنك   تخون العشره  وإتشيح 

      يا تاج حبي   وراس الامال          ما بيه  غيرك لو لي صحيح

ظن بي

ظن بي ظن قاسي          ظن بي ناسي هواه

ليه يتغلى  يا ناسي         وما أبي أحدن سواه

حاكم أمره وراسي         كلها   روحي   فداه

واحد(ن)حبه أساسي       عشق روحي منتهاه

 يا حلو ذيك الأماسي       يوم  قربه   لي شفاه

نستقي به شهد كاسي       وأشهد إنه لي وصاه

فاق شوقي له وباسي       ما أحتمل لحظة جفاه

رد روحي والحواسي        بدونك آنا... آه وآآه

كلك غزل

كلك غزل
من راسك الى موطي اقدامك
احتار ليمن خلق ربي كل هالجمال في شخصك
كل الحلا في نطقك لي منك ترنمت الغزل
احتار كيف النجوم تسجد لحسنك والشمس واقمارها
يا حسن يوسف
ويا من لي نطقت تنشد شذاها النرجس والريحان والفل في اغصانها
يا من اذا داعبت النسمه طرفه النعسان
ذاااااب النسيم من حسنك وحمل مع هبوبه عطر من الرحمن خضبته انامله في ذوقك
حشا لله منت من البشر
انت غير  عنهم
انت ملاك كل ما فيك اعشقه
واعشق ايامك
والسهر بين احضانك
طاااب العمر مذ زارت عيونك منزل القلب
وشيدت لك في القلب خيام وقصور
يا هوى قلبي انت للقلب خفاق
لا تفارقني
وشلون يعيش قلب بدون خفاقه
ابد ما عاش

لا تهاب الشوق

لا تهاب   الشوق   يا نور   عيني        وصلك  المرتاع   نايم   بالاضلاع

لا هبت   النسمه  تدفي  له سنيني            ذا هو الشوق لو طاع من طاع

ما أحتمل لحظة تفارق بها زيني              أغدي كمن فاقد الحس بألواع

يا واحد(ن) ماله مثيل(ن) حسيني          متميز(ن) ما بين أخلاق(ن) أوساع

 أبيه   أنا اليوم وبكره السنيني              وأبيه أنا عمر(ن) يطرب لي أسماع

  ياآسر(ن) كلي وشوقي وحنيني                    لك    أنا دايم الدوم نزاع

لا تحرم المهجة نظره تبيني                   غيرك أنا للوصل أبيع بطماع

كم أنا مشتاق وشوقي يميني                   والدمع هراق يا سيد الأجماع

هون على خافق بعده يبيني                   قرب ولا تحرم الخافق إمتاع

كلي أنا فدوة لك يا لظنيني                  فدوه لك العمر لو راع من راع

ليل الغزل

ليل الغزل..

يصاحبه عمر الأزل..

يداعبه عمر الربيع..

يزرع وروده أمل..

ليل الغزل..

مسامر..

به طول ليل..

وينحكى به حكي جميل..

ليل الغزل..

قبل في خد القمر..

وثغر به مستحيل..

تنطوي به أحلى مقل..

ليل الغزل..

ذاك الذي غزل أحلى غزل..

وسجادته فيها إنغزل..

أحلى لقى لذيك المقل..

ليل الغزل الذي هو مستحيل..

غدى في حضرته أحلى خليل

 

ليل ينادي صاحبه

ليل ينادي صاحبة
يوقد قناديلة

يرسم سنا فرحته

حزنه ومواويله
ينثر نجومه على صفحة سماه
ليل تعانقت فيه قلوب حيرانه
وترتسم بسمة شفاه
فوق صفحة جمال
صاغها ربي
من طيب حسنه
ليل تزينه جلسة عاشقينه
وتذبل نجومه لا غابت اقماره
ودفوف دقها شوق الولع
تترنح على أنغامها قدود هايمة
سكرى من خمرة اللقا
ولي أشرقت شمس الفجر
لفهم حزن طويل
حان الفراق
بدموع وكفوف مودعة
باكية على فرقاه
كأنه من حشاية منزوعة أضلوعه

ما أطلب منك كثير

ما أطلب منك كثير يا هوى بالي
ابي قربك يوم اني سقيم
ابي لمسة من يدينك الحانية
ابي بسمة ..ابي همسة احبك و انا طريح
ابي حنان كنت اعهده من زمان
ابي بارق امل ينعش فوادي العليل
ابي قربك و ما ابي اصبحلك هم ثقيل
في حياتك يا حياتي ابني افراح الخمايل
و اضم بشوف طيفك حقول الربيع
ابي اعيش وياك حلم العمر لو هو قصير
ابي فرحة انا ما تضمحل
ابي ضمك من قدمك لي تاج راسك
ابي اسجد لربي انك خليل
ابي اعشق هواك لين المنايا   تزور جسمي النحيل
ابي احبك و احلف اني ما اخونك
ابي اطلب الله في جنة الفردوس احضى بك جليس
و نشرب من جداول الهنا و نعيش النعيم
و ما اطلب كثير
 

مساء العذوبه

من مثيلك

يا حلو

يا طيبها ذكراك

يا عطر الزمان

يا ليل

يا نبضه اللي كان

يا‭ ‬طِيبها‭ ‬ذكراك

‎يا طِيبها ذكراك

ويا حِسنها نجواك

‎أرتجي تِقبل بلهفتي

عايش (ن) بك لذتي

‎ما أريده عمر بدونك

‎أبد ما أريد

إنت لي القلب الحنون

‎وحبك غدى فن ولون

‎أحلف أني أحبك

والغلا هو ذنبك

محدٍ(ن) من البشر يسواك

‎وربي أنا وربك

‎أطلبك وألثم هواك

‎احتويها نظرتي

‎لي بها جنِّتي

‎ولفنا بوشاح من نور الخجل

وبسمة ثغر

‎مع عطر

‎وحبر ومراسيل

تحيي قلوب الوالهين

من شِفتك

شِفت العمر

وقبلك كان العمر صفحة ملَل

ضِمَّها الآهات فيني

‎فاق حِسنك كل البشر

وفي طَلِّتك

شِفت البشر حايره

‎شبَّانها وشِيبَانها

حتى بعد أطفالها

كلهم بك مغرمين

‎وأنا بينهم ضايعٍ(ن) في حيرتي

هل هو حبَّني

أو يتلاعب بالعاشقين

هاتها لي الروح

‎ورِد لي بارق أمل

قولي إنك لكل البشر بايع

‎إلا عيون جنان تشتريها

يا‭ ‬كم‭ ‬أنا‭ ‬أحبك

يا كم أنا أحبك

وياكم أنا أهواك

ويا كم أنا عاشق

السحر بعيونك

وياكم أنا أستلذ

شوفة محيَّاك

تشفي علة القلب

وأقول عونك

زان بي الفرح

وزان بي معناك

أنت الذي ريَّحت

بي حيرة ظنونك

يا‭ ‬من‭ ‬بعثر‭ ‬كياني

يا من بعثر كياني

بايده والله الدليل

أهوجس به أعاني

بدونه حالي نحيل

يحيي لي عظامي

وقربه لي السبيل

يا‭ ‬من‭ ‬زرع‭ ‬ورد‭ ‬الهوى

‎يا من زرع ورد الهوى في دِنيتي

‎الليل بك بايت ينتضر لك حَضرتك

‎إنت المُنى والعشق في دِيرتي

‎وبدون حبك تايه أدور بك جَنتك

‎لي من تبسَّم الحسن في مهجتي

‎تنير بك الأفلاك وتِسعد لدنيتك

‎أضمك من أقدامك لي راس هامتي

‎وأبجِّل أنا كل رقَّة من رقتك

‎دامك الله لي في حِرزي وعشقتي

ودمت أنا وياك في لذَّة سيرتك

يفهم

يفهم

يعانق مراسيلي...

وأوقد له قناديلي...

فليلٍ يمسيني...

وأهمس له أنا الآه..

يا واحدٍ ما غيرك يسلِّيني...

ولغيره أنا والله ما بيني..

وحده هو الحب يحييه..

وبدونك أنا

لا كانت سنيني

وإن رحت عني راحت بي سنيني

يقولون‭ ‬له

يقولون له: هذا حبيبك بِيتَغيَّر

وبِيحِب غيرك بَعد بُكرا أو بأكثر

طَبعَه لُعوب ومزاجي ويتأثَّر

يِحِب يِلعب في غراماته ويتحيَّر

كل هذا الحكي فيني وأنا أسمع

ابتسم وأقول الله الله و أكبر

حكيُّهم جَد حقيقه بس ذاك الأوَّل

ومن بعد شوفك كل شي قِد تغيَّر

صِرت وحدِك مالكنِّي وصرت أكثر

صِرت عمري وحياتي ولك أنا أسهر

صِرت عهدي اللي ما أخونه وأنا أشهد

وإن خِنت عهدك جعلها الروح تِرحل

بك أنا شفت الهنا وهذي صراحه

والصراحه إنك قِدر عمري اللِّي مقدَّر

يقولون‭ ‬لي‭ ‬سيبه

يقولون لي سِيبَه

ترى عمره فوات

ترى اللحظه معه

في عالم ممات

ترى جنته نار

وقربه دمار

ترى عمرك معه

تضيَّعه بين أياديه

يقولون له حكي كثير

يدمُّرون الحب الأثير

يزرعون سَهمه

ونُجل لحظه

ومن ثُم هم يرحلون

يتركونَّا ماضي

وكنَّا لهم حاضر

يقتلون فرحنا

الذي هو تَوْ بايدنا

يطعنُون مَهدِنا

وطِفل ضمَّنا

هنيالهم كيف انهم يجرحون

يِفهم

يِفهم !!

يِعانق مراسيلي

وأوقد له قناديلي

في ليلٍ يمسِّيني

وأهمس له أنا الآه

يا واحدٍ ما غيرك يسلِّيني

ولغيره أنا والله ما بيني

وحدَه هو الحب يحيِيه

وبدونك أنا

لا كانت سنيني

وإن رحت عني

راحت الروح فدواه